அன்னையை போல்இங்கு எவருமில்லை
அவள்அன்பிற்கு ஈடென எதுவுமில்லை
கன்னியாய் அன்னையாய் அவளிருப்பாள் - தன்னை
எண்ணிய பேருக்கு அருள்சுரப்பாள்
சென்னியில் பூம்பதம் பதித்திடுவாள் - நம்மை
கண்ணிமை போலவே காத்திடுவாள்
கனவிலும் நினைவிலும் கலந்திருப்பாள் - எந்தன்
மனதினில் மலரென மலர்ந்திருப்பாள்
ஒவ்வொரு செயலிலும் ஒளிந்திருப்பாள் - எந்தன்
உயிரினில் உவந்தவள் ஒளிர்ந்திருப்பாள்
பஞ்சினும் மெல்லிய பாதம்ஒன்று - அது
அஞ்சிடும் நெஞ்சிற்கு அபயம்என்று
நஞ்சையும் அமுதென ஆக்கித்தரும் - அது
கொஞ்சிடும் அன்பினில் குழைந்துவரும்
-கவிநயா
படத்துக்கு நன்றி: http://gallery.spiritualindia.org/photos/kali/Hindu-Goddess-Devi-Kali-Maa-Photo-0018.jpg.html
பஞ்சு னும் மெல்லிய பாதம் உடையாளை அடிக்கடி அழைத்து கொண்டு இருக்கிறிர்கள் அன்பிற்கு வரையரை உண்டோ ...... சித்ரம் ..//
ReplyDelete//ஒவ்வொரு செயலிலும் ஒளிந்திருப்பாள்//
ReplyDeleteஅன்னையே நம்முள் ஒளியா நின்று நம்மைக்காத்து நம்மை ஒளிரச்செய்பவள்.
செய்பவ எல்லாமே அவள் செயல் என அன்னையிடம் சரணடைந்தோர்
இம்மையிலும் மறுமையிலும் வேண்டுவன எல்லாமே பெறுவர்.
ஆதியும் அவளே ! அந்தமும் அவளே !
ஆகையால் அவளது கீதத்தினை மத்யமாவதி ராகத்தில் பாட முனைந்தேன்.
நல்ல குரல் வளம் உள்ளவர் பாடினால் நன்றாக இருக்கும்.
சுப்பு ரத்தினம்.
http://menakasury.blogspot.com
வாருங்கள் சித்ரம்(ரா). வருகைக்கு மிக்க நன்றி.
ReplyDelete//அன்னையே நம்முள் ஒளியா நின்று நம்மைக்காத்து நம்மை ஒளிரச்செய்பவள்.//
ReplyDeleteஅழகாக சொன்னீர்கள் தாத்தா.
பாடல் மத்யமாவதியில் அழகாக அமைந்திருக்கிறது. மிகவும் நன்றி தாத்தா.
சித்ராவுடைய பாடலையும் இன்றுதான் கேட்க முடிந்தது. அதுவும் பொருத்தமாக அமைந்திருக்கிறது.
You could easily be making money online in the underground world of [URL=http://www.www.blackhatmoneymaker.com]blackhat seo software[/URL], Don’t feel silly if you don't know what blackhat is. Blackhat marketing uses little-known or misunderstood methods to generate an income online.
ReplyDelete//பஞ்சினும் மெல்லிய பாதம்ஒன்று - அது
ReplyDeleteஅஞ்சிடும் நெஞ்சிற்கு அபயம்//
பஞ்சஞ்சு மெல்லடியார் அடியார் பெற்ற பாலரையே. :)
//பஞ்சஞ்சு மெல்லடியார் அடியார் பெற்ற பாலரையே. :)//
ReplyDeleteஆம் ராதா. சிக்கென பிடித்து விட்டீர்கள் :) மிக்க மகிழ்ச்சியும் நன்றியும்.