சின்னஞ்சிறு பெண் போலே...

சின்னஞ்சிறு பெண் போலே சிற்றாடை இடை உடுத்தி
சிவகங்கை குளத்தருகே ச்ரி துர்கை சிரித்திருப்பாள் (சின்னஞ்சிறு)

பெண்ணவளின் கண்ணழகை பேசி முடியாது
பேரழகுக்கு ஈடாக வேறொன்றும் கிடையாது (சின்னஞ்சிறு)

மின்னலை போல் மேனி அன்னை சிவகாமி
இன்பமெல்லாம் தருவாள் எண்ணமெல்லாம் நிறைவாள்
பின்னல் சடை போட்டு பிச்சிப்பூ சூடிடுவாள்
பித்தனுக்கு இணையாக நர்த்தனம் ஆடிடுவாள் (சின்னஞ்சிறு)
இந்தப் பாடலை சீர்காழி கோவிந்தராஜன் அவர்கள் பாடி எல்லோரும் கேட்டிருப்போம். இணையத்தில் அவர் பாடியது கிடைக்கவில்லை. யாரிடமாவது சுட்டி இருந்தால் தாருங்கள்.

இராகம்: சிந்து பைரவி
தாளம்: ஆதி
இயற்றியவர்: உளுந்தூர்பேட்டை சண்முகம்
பாடியவர்: விஜயலக்ஷ்மி நித்யானந்த்

**



சீர்காழியார் பாடியது இன்று (28 Sept 2011) கிடைத்து இணைத்திருக்கிறேன்.