திருவான்மியூர் அரசி

சுப்பு தாத்தா வின் இசையில், குரலில், ஆரபி ராகத்தில்... மிக்க நன்றி தாத்தா!

கீதாம்மா வின் இனிய குரலில்... மிக்க நன்றி கீதாம்மா!

திருவான்மியூர் அரசி, திரிபுர சுந்தரி

மருந்தீஸ்வரர் மனைவி வினையெல்லாம் வந்தரி

(திரு)

தேவரும் மூவரும் தொழுதிட்ட வான்மியூர்

தேவாதி தேவனுடன் தேவி துணை நின்றவூர்

(திரு)

இருகரு விழிகளில் ததும்பிடும் அன்பினில்

உலகத் துயர் விலகும் நிம்மதி மனதினில்

திருமுகத்தில் தவழும் புன்னகை எழிலினில்

இதயம் தனை மறந்து லயிக்கும் உன் நினைவினில்

(திரு)

--கவிநயா

கற்பகத் தாயே!

கீதாம்மா வின் இனிய குரலில்... மிக்க நன்றி கீதாம்மா!

கற்பகத் தாயே கதி நீயே
பொற்பதம் தந்தெமைக் காப்பாயே
(கற்பக)

மயிலாபுரி வந்தாய் மயிலாக
கயிலாபுரி அழகி ஒயிலாக
(கற்பக)

திருவடி மலரினை தினந்தினம் நுகர்ந்திடவும்
திருப்பெயரின் ருசி நாவினில் திகழ்ந்திடவும்
பல நாள் உனை அழைத்தேன் பலவாறாய்
நீ அதனைக் கேட்டுன் முழுமதி முகம் காட்டு
(கற்பக)


--கவிநயா

மன்னு புகழ் மதுரையிலே

கீதாம்மா வின் இனிய குரலில், இன்னொரு ராகத்தில்... மிக்க நன்றி கீதாம்மா!

மன்னு புகழ் மதுரையிலே

மின்னி நிற்கும் மீனாட்சி !!

நின்

விண்ணளவும் மாளிகையில் ஏனோ

வலம் வந்த அக்னி காட்சி ?

நெல் பயிர் நிலங்களிலே

புல் பல களைவது போலே

நல்லது நடுவினிலே

அல் அதனைக் களைந்தாயோ ?

அக்கினி தேவனை

அழைத்தாயோ !

உன்னிலே என் எண்ணம் நிலைய

உன்னிலே என் எண்ணம் நிலைய 

அருள் கொடு..அன்னையே...

மண்ணிலே என் ஆவல் முடிய  

மனம் கொடு என் அன்னையே ...

...உன்னிலே..

இருள் எது ஒளி எது என் 

இதயம் வேண்டும் பொருள் எது ?

இனி இது அது என் நாடா நிற்கும் 

இதய வலிவு தந்திடு. 

......உன்னிலே...

பாலை நீரிலிருந்து பிரிக்கும் 

தந்திரமென்ன சொல்லிடு.  ..அலை 

பாயும் மனமும் பொய் தவிர்க்க 

மந்திரமும் தந்திடு. 

......உன்னிலே .....

நெஞ்சமர் நாயகி

உன்னருளாலே நான் உயிர் வாழ்கின்றேன்

உன்னையே எந்தன் உறவாய்க் கொண்டேன்

(உன்னருளாலே)

அன்னை என உனைப் பணிந்தேன்

அஞ்சேல் என மனம் கனிந்தாய்

கொஞ்சம் கொஞ்சம் உனை நினைந்தேன்

கொஞ்சி மனம் குழைந்தாய்

(உன்னருளாலே)

சங்கடம் தீர்த்திடுவாய் சங்கரன் நாயகியே

பொங்கிடும் அருட்கடலே புங்கவனின் துணையே

வெஞ்சமர் வாழ்வினிலே நெஞ்சமர் நாயகியே

செஞ்சுடராய் எழுந்து இருள் கிழி பூவிழியே

(உன்னருளாலே)  (pl click here to listen to Madam Geetha singing this song.)

--கவிநயா