தடம் பார்த்து...

தடம் பார்த்து நடை நடந்து உன்னைத் தேடி வந்தேன்
இடம் பார்த்து ஏவல் செய்ய உன்னை நாடி வந்தேன்

(தடம்)

எங்கே எங்கே நீயென எண்ணம் போல அலைந்தேன்
இங்கே இங்கே எனஉன்னைக் கண்டு கொண்டால் மகிழ்வேன்

(தடம்)

விடமுண்ட கண்டனவன் இடமிருக்கும் கிளியே
குடங்கொண்ட விளக்கினைப்போல் உள்ளொளிரும் ஒளியே

வலங்கொண்டு உன்னைதினம் வணங்குகின்றேன் உமையே
மனங்கொண்டு நினைவில்நின்று வாழவைப்பாய் எமையே

(தடம்)


-கவிநயா