நீ இல்லாத எடமே இல்ல!

இந்த முறையும் மீனாட்சி பாட்டி, சுப்பு தாத்தா இரண்டு பேருமே அருமையாகப் பாடித் தந்திருக்கிறார்கள். மிக்க நன்றி, பாட்டீ, தாத்தா!

எத்தனையோ பேருனக்கு

ஒலகமெல்லாம் ஊருனக்கு

ஆத்தா நீ இல்லாத எடமே இல்ல, ஒன்ன

பாத்தாலே தீந்து போகும் வெனையின் தொல்ல!

படிச்சவராய் இருந்தாலும்

பாமரராய் இருந்தாலும்

ஆத்தா ஒன் பேர மட்டுஞ் சொன்னாப் போதும், நம்ம

தொரத்தி வரும் தொயரெமெல்லாம் தெறிச்சே ஓடும்!

கட்டுமரம் அலபாஞ்சா

காத்தாக வருவாயே

ஆத்தா ஒன் அன்புக்கு எல்ல இல்ல, அத

பாத்த பின்ன வேற ஒண்ணுந் தேவை இல்ல!

பட்ட மரம் துளுக்குறதும்

பலபலனு பூக்குறதும்

ஆத்தா ஒன் பார்வ பட்டா நடக்கும் ஆத்தா, நீ

பாத்துபுட்டா எம் மனசும் பூக்கும் ஆத்தா!

--கவிநயா