Monday, January 26, 2015

பக்தி வரம் தா!

சுப்பு தாத்தா ஹிந்துஸ்தானி இசையை அடிப்படையாய்க் கொண்டு அழகாகப் பாடித் தந்தது இங்கே... மிக்க நன்றி தாத்தா!


பதகமலம் பணிந்து விட்டேன் பக்திவரம் தாராய்;
பாரபட்சம் இல்லாமல் பிள்ளை முகம் பாராய்!
காரிருளில் கலங்குகின்றேன் கைவிளக்காய் வாராய்;
கன்னல் மொழிக் காரிகையே கவலைகளைத் தீராய்!

சிறுமதியேன் ஆனாலும் உன் பிள்ளை நானே;
பெரும்பிழையே செய்தாலும் பொறுக்க வேண்டும் நீயே!
கருவிழியில் கருணைக் கடல் தேக்கி வைத்த தாயே;
ஒரு பார்வை பார்த்தாலும் பிழைத்திடுவேன் நானே!

பரு உடலைச் சுமந்துலகில் வாழும் போதும் தாயே,
கருவெனவே உன் நினைவைச் சுமந்திருப்பேன் நானே!
கரும்பினிய தமிழாலே பாடி வந்தேன் தாயே;
செவி கொடுத்துக் கேட்டு என்னைச் சேர்த்தணைப்பாய் நீயே!


--கவிநயா 

4 comments:

  1. பதகமலம் பணிந்து விட்டேன் பக்திவரம் தாராய்;
    சிறுமதியேன் ஆனாலும் உன் பிள்ளை நானே;
    பெரும்பிழையே செய்தாலும் பொறுக்க வேண்டும் நீயே!
    பரு உடலைச் சுமந்துலகில் வாழும் போதும் தாயே,
    கருவெனவே உன் நினைவைச் சுமந்திருப்பேன் நானே!

    எல்லா வரிகளுமே ரெம்ம்ப அருமை அக்கா!
    அழகான வரிகள்

    ReplyDelete
  2. கரும்பினிய தமிழாலே பாடி வந்தேன் தாயே;
    செவி கொடுத்துக் கேட்டு என்னைச் சேர்த்தணைப்பாய் நீயே!
    அருமை !அருமை !

    ReplyDelete
    Replies
    1. மிக்க நன்றி அம்மா! நலந்தானே?

      Delete