வர வேண்டும் அம்மா!

மிகப் பொருத்தமாக காம்போஜியில் மெட்டமைத்திருக்கிறார் சுப்பு தாத்தா, வழக்கம் போல்! மிக்க நன்றி தாத்தா!

வர வேண்டும், அம்மா வர வேண்டும்

வண்ணத் தமிழ் இசைக்கிசைந்து வர வேண்டும்

முத்து மணிச் சிலம்பொலிக்க

முத்து நகை இதழ் விரிக்க

பட்டிடையில் சரசரக்க

பார்த்தவரெல்லாங் களிக்க

(வர வேண்டும்)

கை வளைகள் கலகலக்க

கார்குழலோ காற்றளக்க

கருவிழிகள் திசையளக்க

கண்டவரெல்லாங் களிக்க

(வர வேண்டும்)

மணியாரம் மார்பசைய

மேகலையோ இடையசைய

மேலாடை காற்றசைய

மயிலென நீ அசைந்தசைந்து

(வர வேண்டும்)

மெட்டி ஒலி சிணுங்கி வர

மின்னலிடை ஒசிந்து வர

கன்னம்ரெண்டுஞ் சிவந்து வர

கண்டவரெல்லாங் களிக்க

(வர வேண்டும்)

--கவிநயா