அடைக்கலம் நீயே!

உன்னை விட்டால் யாரெனக்கு உமையவளே, பூம்

பாதத்தில் நிழலெனக்கு தருபவளே

(உன்னை)

உன்னைத்தான் பாடுகிறேன்; உன்னருளைத் தேடுகிறேன்

உன்னைத்தினம் நாடுகிறேன், பாராயோ?

திருவாயால் ஒருவார்த்தை கூறாயோ?

(உன்னை)

பழவினையின் பாரம் உயிரை அழுத்துது

விழிவழி நீர்அதனைக் கரைத்திடத் துடிக்குது

சிறகில்லாப் பறவையாய் மனம்மிகத் தவிக்குது

உன்பதநிழலொன்றே அடைக்கலம் என்குது

(உன்னை)

--கவிநயா