வழி காட்ட வருவாய்
வந்தருள் தருவாய்
இருள் நீக்கி ஒளி கூட்டி
இன்னருள் புரிவாய்
(வழி)
வினைப்பயன் ஊட்டி வைத்தாய்
வெந்து தண லாகின்றேன்
நினைப்பது உன்பதமே
நினையாயோ என் நிலைமை
(வழி)
பனித்துளி இவ்வாழ்வு
படித்தவர் சொன்னார்கள்
பாலைவனம் அது எனக்கு
புரியலையோ உனக்கு
உன்பதம் பசுஞ்சோலை
உனதருளே நிழலாய்
உன்புகழ் பாடுகின்றேன்
நிதம் அதுவே தொழிலாய்
(வழி)
--கவிநயா
No comments:
Post a Comment