மனமே மனமே மயங்காதே!

சுப்பு தாத்தா அடானாவில் பாடித் தந்திருக்கிறார்! மிக்க நன்றி தாத்தா!

 
மனமே மனமே மயங்காதே

அன்னை அருகிருக்கையில் கலங்காதே

விழியோரம் அன்பு கனிந்திருக்கும் – அவள்

இதழோரம் நகை மலர்ந்திருக்கும்

பூந்தளிர் பாதங்கள் நிழல் கொடுக்கும் – அவள்

காந்தள் விரல்விழி நீர் துடைக்கும்

நினைந்து நினைந்தவளைத் துதித்து வந்தால்

துயரங்கள் உனக்கு விடை கொடுக்கும்

கனிந்து கனிந்து பெயர் சொல்லி வந்தால் – அவள்

மடியினில் உனக்கொரு இடம் கிடைக்கும்!


--கவிநயா