மதி மயக்கம் தீர்த்து விடு!

சுப்பு தாத்தா பாடித் தந்தது... மிக்க நன்றி தாத்தா!

அம்மா என் மனதை நேராய் ஆக்கு

அன்பாய் உனை அடையும் வழியைக் காட்டு!

தனியே தவிக்கின்றேன் தத்தளித்து நடக்கின்றேன்

கனியே வந்தெனெக்குக் கைகொடுத்தால் ஆகாதோ?

கதியே என்றோடி உன்னிடத்தில் வந்து விட்டேன்

மதியே என்மதிக்கு ஒளிதந்தால் ஆகாதோ?

நாளும் கழியுதடி நானு முன்னைப் பாராமல்

உள்ளம் சோருதடி ஒரு சொல்லும் கேளாமல்

காதில் விழவில்லையோ கன்றின் குரல் கேட்கலையோ

மாதே வந்து விடு மதி மயக்கம் தீர்த்து விடு!

--கவிநயா