எத்தனை ஜென்மம் நான் எடுத்தாலும்...

சுப்பு தாத்தா சாவேரியில் மிகப் பொருத்தமாகப் பாடித் தந்திருக்கிறார், கேட்டு மகிழுங்கள்! மிகவும் நன்றி தாத்தா!!


எத்தனை ஜென்மம் நான் எடுத்தாலும்...

உன்னையே அண்டிட வேணும்

பக்தியுடன் உன்னை பணிந்திட வேணும் - உள

சுத்தியுடன் உன்னை நினைந்திட வேணும்

முத்தமிழால் உன்னை பாடிட வேணும் - என்

சித்தமெல்லாம் உன்னை நாடிட வேணும்

பித்தென உன்பதம் பற்றிட வேணும்

சொத்தென உனைநிதம் போற்றிட வேணும்

மொத்தமாய் என்னை நான் தந்திடவே வேணும்

உத்தமி உனதன்பை உணர்ந்திடவே வேணும்!


--கவிநயா