நெஞ்சில் ஒரு வண்ணம்!

சுப்பு தாத்தா பேஹாக் ராகத்தில் பாடியிருப்பதைக் கேட்டு மகிழுங்கள்! மிக்க நன்றி தாத்தா!

நெஞ்சில் ஒரு வண்ணம் – என்

நினைவில் ஒரு எண்ணம்

(நெஞ்சில்)

பஞ்சில் பற்றிய தீயைப் போல் என்

நெஞ்சைப் பற்றிய துன் எண்ணம்

(நெஞ்சில்)

பகலில் இரவும் தோன்றிடுமோ?

பனியில் கதிரவன் உறைந்திடுமோ?

இயற்கை விதிகள் மாறிடுமோ? – உன்

நினைவில் இருக்கையில் துயர் வருமோ?

(நெஞ்சில்)

(உன்) பதமே கதியெனப் பற்றிய பின்னும்

இதயத்தை வலி பற்றுவ தேன்?

மதியும் மயக்கம் கொள்வதுமேன்? என்

விதியின்னும் என்னை விரட்டுவதேன்?

(நெஞ்சில்)

--கவிநயா