கோடிக் கோடிக் கண் வேண்டும்!

சுப்பு தாத்தா ரேவதி ராகத்தில் பாடி அசத்தியிருப்பதைக் கேட்டு மகிழுங்கள்! மிக்க நன்றி தாத்தா!

அழகு மலர்ப் பாதம் காணக் கோடிக் கோடிக் கண்வேண்டும்

குழைந் ததனைத் தமிழில் பாடக் கோடிக் கோடிப் பண் வேண்டும்

அரு மறைகள் ஓதும் நல்ல மாத வர்களும் கொண்டாடும்

திருப் பதங்கள் பணிந்து விட்டால் தீ வினைகளும் திண்டாடும்!

விண் ணவரைக் காக்க வென்று விரைந் திரங்கி வந்தவளே

கண் ணெழிலால் கணப் பொழுதில் காமே சனையும் வென்றவளே

பண்டா சுரனை வதைத் திடவே பதின்மளா யுதித்தவளே

கண்டோ ரெல்லாம் வியந் திடவே சிதக் னியில் பூத்தவளே!

பிரம்மா, விஷ்ணு, ருத்ரனோடு ஈசன் சதா சிவனென்ற

பஞ்ச பிரம்மாக் களையும் தமது மஞ்சமாகக் கொண்டவளே

பஞ்ச பிரம்ம வடிவாகி ஐந் தொழிலும் செய்பவளே

அஞ்ஞான மெனும் பஞ்சம் நீக்கித் தஞ்சம் தரும் தூயவளே!

அலை மகளும் கலை மகளும் சாம ரங்கள் வீசிடவே

முனிவர் களும் தேவர் களும் பாதம் பணிந்து போற்றிடவே

கரத்தி லுள்ள கரும்பைப் போலக் கனிந்த மனம் கொண்டவளே

சிரத்தி லுன்றன் பாதம் வைத்து அருள வேண்டும் தேவியளே!!

--கவிநயா

படத்துக்கு நன்றி: ஷைலன்