நீ ஒன்றே ஆதாரம்!

அன்னை உன்னை எந்தன் நெஞ்சில்
ஏற்றி வைத்தேன் - பொங்கும்
அன்பி னாலே உன்னை தினம்
போற்றி வைத்தேன்

நீ ஒன்றே ஆதாரம்
கண்டு கொண்டேன் - உன்
நினைவை எந்தன் ஆகாரம்
ஆக்கிக் கொண்டேன்

முழுமதி போல் முகத் தழகி
வர வேணும் - வந்து
இருள் நீக்கி ஒளி யமுதம்
தர வேணும்

கா தணிகள் அசைந் தாட
வர வேணும் - வந்துன்
கடைக் கண்ணின் பார்வை கொஞ்சம்
தர வேணும்

வளை குலுங்க வஞ்சி இங்கு
வர வேணும் - வந்து
வளைக்கும் வினை களைந்து அருள்
தர வேணும்

காற் சதங்கை கிணு கிணுக்க
வர வேணும் - கண்ணில்
நீர் பெருக நிறைந்த அன்பு
தர வேணும்


--கவிநயா