ஆடி வெள்ளிப்பாட்டு

நல்ல சேதி சொல்லாத்தா!
(''மணப்பாறை மாடு கட்டி.."மெட்டில் பாடுவது கலா )

subbusir sings:
http://www.youtube.com/watch?feature=player_embedded&v=HHnj6ZEVPZU

ஆடிக்கூழு ஆக்கி வச்சி,
மாவெளக்கு ஏத்தி வச்சி,
பூவப்போட்டு பூச செஞ்சோம் செல்லாத்தா!--நீ
நேர வந்து நல்ல சேதி சொல்லாத்தா!


காஞ்ச பூமி காத்திருக்கு;
வறண்டு வானம் பாத்திருக்கு;
இருண்டு மேகம் மழை பொழிய வையாத்தா!--கண்ணத்
தொறந்து தாயே!கருண மாரி பெய்யாத்தா!


வயித்துப் பசிக்கு அவிச்ச சுண்டல்,
தவிச்ச வாய்க்குத் தண்ணீப்பந்தல்,
போட்டு ஒன்னக் கும்புடறோம் செல்லாத்தா!--சனத்த
ஆட்டிவைக்கும் வெனைய வெரட்டித் தள்ளாத்தா!


கண்ணுங்க கருணக்காத்து வீச ,
சலங்கக்குலுங்கிச் சிணுங்க வந்து,
பனங்குருத்துத் தோட்டழகி!செல்லாத்தா!--ஊரு
சனங்களுக்கு நல்ல சங்கதி சொல்லாத்தா!