இருமல் விடாது வாட்டிக் கொண்டிருக்கும் போதிலும், அதைப் பொருட்படுத்தாது, சுப்புத் தாத்தா ஆரபி ராகத்தில் அருமையாகப் பாடித் தந்திருக்கிறார். மிக்க நன்றி தாத்தா! அவருக்கு இருமல் விரைவில் குணமாக அருள்வாய் அம்மா!
தாமரைப் பாதத்தில் தலை வைத்தேன் – சோம
தாமரைப் பாதத்தில் தலை வைத்தேன் – சோம
சேகரன் மனைவியுன்மேல் மனம்
பதித்தேன்
(தாமரை)
சாமரம் போல மெல்ல வீசி வந்தாய்
– ஒரு
பூமரமாய் மனதில் ஊன்றி நின்றாய்
(தாமரை)
காமனை எரித்தவன் மேல் காதல் கொண்டாய்
- அந்த
காமனுக்குக் கருணையினால் உயிரைத்
தந்தாய்
பாமரன் என்னையும் பார்த்தருள்வாய்
– எழிற்
கோலமர் காமாக்ஷி! காத்தருள்வாய்!
(தாமரை)
--கவிநயா
