உன்னை விட்டால் யாரெனக்கு தாயே - என்
கண்ணீரைத் துடைத்தெறிய வாயேன்!
கண்ணோடும் மனதோடும் தாயே - உன்னை
சேர்த்தணைத்துப் பாடுகிறேன் வாயேன்!
ஆதரவு யாரெனக்கு
மாதரசி உன்னை யன்றி?
வேதனைகள் எதுவரினும்
வென்றிடுவேன் உன்னை அண்டி!
நெஞ்சமெல்லாம் இனிக்கச் செய்யும்
நினைவெது உன்னை யன்றி?
தஞ்சமென்று நான் அடைந்தேன்
தங்கத்தாய் உன்னை அண்டி!
--கவிநயா
படத்துக்கு நன்றி: தினமலர்
சேயொன்று சாய்ந்தழத் தேடுதம்மா
ReplyDeleteதாயுந்தன் வேயுறு தோளினையே;
காயமுற்றவ்வுள்ளம் வாடுதம்மா,
தீயென வேதனைத் தாளலையே;
ஓயாது மென்நெஞ்சம் நாடுதம்மா,
மாயே !உந்தன் மலர்த்தாளினையே;
"கா!"என்றுனை வேண்டிப்பாடுதம்மா,
தூய இசைத்தமிழ்ப் பாடலையே;
நேயமாய் சேயை நீ நோக்கிடம்மா!
நாயகி!மகள் நலன்காத்திடம்மா !
ஆகா. ரொம்ப ரொம்ப அருமையாக வந்து விழுந்திருக்கு வார்த்தைகள். நன்றி லலிதாம்மா.
ReplyDelete