'உ'(ன்) பாடல்

கீதாம்மா வின் இனிய குரலில்... மிக்க நன்றி கீதாம்மா!

உன்னதத் தமிழாலே

உன்புகழ் பாடுகின்றேன்

உத்தமியே உமையே

உயிர் நீயே

(உன்னத)

உரவினை உண்ட கண்டன்

உடனிருக்கும் துணையே

உறவென உன்னைக் கொண்டேன்

உடனிருப்பாய் உமையே

(உன்னத)

உலகினிலே சிறந்த

உயர்ந்த பிறவி தந்தாய்

உள்ளத்தில் உன்னை வைத்து

உன்னும் பெரும் பேறும் தந்தாய்

உழலும் வினை அகற்ற

உந்தன் திரு நாமம் தந்தாய்

உள்ளொளியாய் ஒளிர்ந்து

உற்ற துணையாய் வந்தாய்

(உன்னத)

--கவிநயா