என் சொத்து

அனைவருக்கும் மனம் கனிந்த ஆங்கிலப் புத்தாண்டு வாழ்த்துகள்! அன்னையின் அருள் அனைவருக்கும் சிறக்கட்டும்!

சுப்பு தாத்தா வின் இசையில், குரலில்... மிக்க நன்றி தாத்தா!

கீதாம்மா வின் இனிய குரலில்... மிக்க நன்றி கீதாம்மா!

அம்மா உந்தன் பெயரை நானும்

சொல்லிச் சொல்லிப் பார்க்கின்றேன்

உன்னை எந்தன் நெஞ்சில் வைத்து

எண்ணி எண்ணிச் சேர்க்கின்றேன்

சொந்தம் எல்லாம் நீதானே, என்

சொத்தும் சுகமும் நீதானே

பந்தம் பாசம் நீதானே, என்

வாழ்வில் வந்த செந்தேனே

வானம் போல விரிந்திருக்கும்

நெஞ்சத்தன்பு உனதம்மா

கடலைப் போலே கருணை பொங்கும்

கண்ணாயிரமும் உனதம்மா

மலரின் வண்ணம் உனதம்மா, அம்

மலரின் மணமும் உனதம்மா

இயற்கை எல்லாம் நீயம்மா, அதன்

உயிரும் உணர்வும் நீயம்மா

--கவிநயா